जालना (प्रतिनिधी ):- भारत निवडणूक आयोगाने 1 जानेवारी 2023 या अर्हता दिनांकावर आधारित छायाचित्रासह मतदार यादी विशेष संक्षिप्त पुनरिक्षण कार्यक्रम घोषित केला आहे. कार्यक्रमानूसार दि.9 नोव्हेंबर 2022 रोजी प्रारुप मतदार यादी जिल्ह्यातील सर्व तहसिल कार्यालये, उपविभागीय अधिकारी व जिल्हाधिकारी कार्यालयाच्या ठिकाणी प्रसिध्द करण्यात आली आहे, अशी माहिती उपजिल्हा निवडणूक अधिकारी डॉ. ज्ञानोबा बानापुरे यांनी दिली.
दि.1 जानेवारी 2023 या अर्हता दिनांकावर आधारित छायाचित्र मतदार यादी जिल्ह्यातील 99-परतूर 100-घनसावंगी, 109-जालना, 102- बदनापूर व 103-भोकरदन या विधानसभा मतदार संघातील एकुण 1 हजार 650 मतदान केंद्र, पदनिर्देशित ठिकाणी बुधवार दि.9 नोव्हेंबर 2022 रोजी प्रसिध्द करण्यात आली आहे. असे प्रसिध्दीपत्रकाद्वारे कळविले आहे.